A Axencia de Doazón de Órganos e Sangue (ADOS) lembra a necesidade de doar sangue sempre nas xornadas inmediatamente anteriores ou posteriores aos días festivos, como sucede no mes de xaneiro coas datas de Nadal.
As reservas dos grupos A positivo, A negativo e 0 negativo están en niveis baixos.
Neste sentido, ADOS recorda que, todos os días do ano, se necesitan entre 400 e 500 doazóns de sangue para cubrir axeitadamente as necesidades de compoñentes sanguíneos por parte dos centros sanitarios.
As unidades móbiles da ADOS estarán o xoves 2 de xaneiro en As Pontes, Carballo, barrio de Monelos (A Coruña), Arzúa, Boimorto, Caldas de Reis, Cangas, Bouzas (Vigo), Cospeito, barrio da Piringalla (Lugo) e Verín. O venres 3 en As Pontes, Carballo, Obelisco (A Coruña), Ribeira, Frades, Pontecarreira (Frades), Lalín, A Guarda, Cangas, Burela, Padrenda e Verín. O sábado 4 en Carballo, Ribeira, Lalín e A Guarda.

O martes 7 estarán no Inferniño (Ferrol), Catro Camiños (A Coruña), O Burgo (Culleredo), Santa Comba, Aguiño (Ribeira), Bueu, Salceda de Caselas, O Calvario (Vigo), A Pastoriza, Mondoñedo e A Valenzá (Barbadás), o Mércores 8 na Gándara (Narón), Novo Mesoiro (A Coruña), Ponteceso, Praza Roxa (Santiago), Milladoiro (Ames), Ferraría (Pontevedra), Baiona, Goián (Tomiño), Praza Maior (Lugo), Toyota Ourense e Maceda. En Betanzos, A Gaiteira/Os Castros (A Coruña), Corcubión, Polígono do Tambre (Santiago), IES Leliadoura (Ribeira), A Illa de Arousa, barrio residencial de Navia (Vigo), Coia (Vigo, Viveiro, Laza e Cortegada o xoves 9, o venres 10 en Betanzos, Arteixo, Obelisco (A Coruña), Noia, Área Central (Santiago), Marín, Redondela, Travesía de Vigo, Chantada e Xinzo de Limia, e o sábado 11 estarán en Arteixo, Noia, Marín e Redondela