En Chichalovers teñen claro que se conquista polo estómago, por iso este San Valentín lanzan unha proposta diferente: «Bocatas a Cegas«, unha cea exclusiva para seis persoas que comparten a paixón pola boa comida e as boas conversas.

Lonxe do concepto tradicional das citas románticas, esta iniciativa busca reunir a persoas de entre 25 e 35 anos cunha afinidade común: o amor pola gastronomía. Durante a noite, os seis convidados compartirán bocadillos edición especial, xogos para romper o xeo e moitas sorpresas, todo arredor da única mesa do local do coñecido local de bocadillos de Santiago de Compostela

Como participar
As persoas interesadas poden inscribirse ata o 10 de febreiro cubrindo un formulario no que terán que responder preguntas tan divertidas como “Se foras un bocata, cal serías e por que?” ou “Se tiveses que describirte cun refrán galego, cal sería?”. Entre todas as inscricións, Chichalovers escollerá ás seis persoas máis afíns para compartir esta experiencia única.