O proxecto Xenoma Galicia pretende recompilar o ADN de 400.000
galegos e identificar variantes xenéticas de alto risco. O proxecto de investigación xenómica inclúe a detección do risco de padecer cancro de mama e ovario hereditario, así como Síndrome de Lynch, asociada, entre outros, ao cancro de colon.

No seu labor de prevención, a Dirección Xeral de Saúde Pública está a desenvolver dous proxectos pilotos de cribados de cancro. Por unha banda, de pulmón, na área sanitaria da Coruña e Cee, e pola outra, de próstata, na área de Ferrol. Ten completamente consolidados os cribados de cancro de mama, de cérvix e de colon.
Ademais, Galicia lidera unha investigación sobre cancro de mama que pretende validar un sistema de cribado en función do risco personalizado e non só do criterio de idade en cada muller.