O musical ‘Mamma mia!’ representarase do 16 ao 26 de xullo no Palacio da Ópera da Coruña. Este espectáculo ofrecerá un total de 14 funcións cuxas entradas, máis de 25.000, xa están á venda. Esta nova versión de ‘Mamma mia!’, o musical que recolle as mellores cancións de ABBA, conta cunha espectacular escenografía, vestiario e coreografías orixinais, sumados a letras e arranxos musicais renovados. Leva tres temporadas no teatro Rialto da Gran Vía de Madrid, onde vendeu máis de 800.000 entradas.