Afundación, a Obra Social de ABANCA, presenta na súa sede de Santiago de Compostela a mostra «Compostella Expeditio», unha experiencia virtual inmersiva que permitirá camiñar pola Compostela de finais do século XII e principios do XIII.

Unha proposta innovadora que combina documentación histórica e científica cun levantamento con tecnoloxía LiDAR para ofrecer unha viaxe ao medievo, permitindo percorrer virtualmente diferentes partes do casco antigo, como as obras do Pórtico da Gloria ou o mercado da Quintana.

O proxecto foi desenvolvido por Maxina, o recoñecido estudo galego liderado por Carlos Seijo e distribuído por Empiriens. Preséntase ao público en colaboración con Afundación. As entradas para desfrutar desta aventura inmersiva pensada para todos os públicos pódense adquirir xa en Ataquilla.com.