A banda que creou himnos xeneracionais como «¿Qué hace una chica como tú en un sitio como este?», «Mueve tus caderas» ou «Una noche sin ti» tocará este venres 31 de xullo no Carballiño. Burning actuará dentro do Festival Ou Yeah! no Carballiño, nun directo cargado de enerxía, e actitude canalla que os convertiu nunha icona. Un concerto deseñado tanto para os fieis seguidores que creceron cos seus discos como para as novas xeracións que descobren agora o rock clásico.

O Festival Ou Yeah! continúa a súa viaxe pola provincia e prepárase para a súa segunda data. Despois do éxito do pasado 6 de xuño en Expourense, o festival trasládase este venres 31 de xullo ao Carballiño cunha das propostas máis agardadas do seu cartel: o concerto gratuíto de Burning na emblemática Praza da Veracruz.

A cita do Carballiño supón o ecuador desta segunda edición do Ou Yeah!. Tras a descarga de rock deste venres, o festival enfocarase xa na súa última parada da tempada: o agardado regreso de Luz Casal á cidade de Ourense despois de sete anos. O concerto de peche terá lugar o 4 de outubro no Pazo dos Deportes Paco Paz.